Biden: Keni kujdes, mos i besoni Trumpit, ai është mashtrues

Mos i besoni Trump, ai është një mashtrues!

Kandidati demokrat për garën presidenciale në Shtetet e Bashkuara të Amerikës, Joe Biden, e ka quajtur mashtrues presidentin Donald Trump.

Në fjalimin e tij gjatë fushatës në Wilmington, Bideni ka thënë se presidenti thotë gjëra të cilat nuk janë të vërteta.

Këtë qëndrim Bideni e ka mbështetur te mungesa e përgjigjes së presidentit në lidhje me raportimin e inteligjencës amerikane se ushtria ruse u ofroi talebanëve pagesa të majme për vrasjen e ushtarëve amerikanë në Afganistan.

Ndërkaq ka pyetur se përse presidenti i SHBA-së ka fr ikë nga Vladimir Putini.

Gjatë së premtes është publikuar edhe një tjetër raport, në të cilin thuhej se presidenti amerikan i ka quajtur dështakë dhe humbës të gjithë ushtarët amerikanë që janë të var rosur në Evropë. Presidenti amerikan, Donald Trump, ka mohuar raportimet.

Sipas raportimit të “The Atlantic”, një zyrtar i Departamentit të Mbrojtjes ka konfirmuar komentet e Trumpit të dhëna më 2018-n. Sipas tij, Trumpi kishte bërë këto deklarime teksa kishte refuzuar të vizitonte varrezat jashtë Parisit pas një takimi presidencial që kishte pasur më 10 nëntor të 2018-s.